السن: الحضانة
Press here for English
الأدوات
ملف – طباعة ستيكر”أنا مُعجزة” – ألوان
النهاردة ابتديت مع الولاد سلسلة الثقة في النفس، الفكرة هي إننا هنعمل كتاب عن نفسنا و كل مرة هنزود حاجة في الكتاب بتقول حاجة عننا و ممكن يرجعوا لها في أي وقت في المستقبل
فهمتهم إننا الفترة دي هنتكلم عن نفسنا و سألتهم الأسئلة دي
تتوقعةا ليه مهم إننا نعرف عن نفسنا؟
ممكن تقولوا إيه عن نفسكوا لو قابلتوا حد متعرفهوش؟
قولوا لي حاجات بتحبوها عن نفسكوا – لو معرفوش قولوا لهم أمثلة عن حاجات بتحبوها فبهم
بعدين طلبت منهم يقولوا حاجات إحنا شبه بعض فيها (زي مثلاً إن كلنا بني آدمين و كلنا عندنا غيدين و شعر… إلخ). و بعدين قلت لهم يقولوا إختلافات بيننا ( زي أطوالنا و لون عينينا و مواهبنا… إلخ). و لما خلصنا شرحت لهم إننا محتاجين نعرف نقط القوة و الضعف بتاعتنا عشان نستخدمهم
بعدين اديتلهم ستيكر “أنا مُعجزة” و قلت لهم ده غلاف الكتاب بتاعكوا. بعد لما لصقوها قلت لهم يسرموا نفسهم على جسم البني آدم اللي على الستيكر، و ابتدوا يبصوا في المراية عشان يشوفوا لون عينهم و شهرهم و لبسهم عشان يغرفوا يسرمواها. و لما خلصوا كل واحد قدملنا رسمته
